تويت ثورة

‎#لو_محصلش_ثورة من أحب ما كتبت فى ال ( Hash Tag ) على تويتر علشان كدا أن قررت انى أكتبه فى المدونة لكى أجمعه لأنظر له طوال العمر لأنه فعلاً أتاح ليا فرصة أنى أكتب ما غيرته فيا ثورة يناير .. الى التغريدات ( tweets ) 

 #لو_محصلش_ثورة‬‏ كان زمانى قاعد على الفيس بعد عدد البنات الى كلمتهم السنة دى !! ‎‫#صراحة‬‏

‫#لو_محصلتش_ثورة‬‏ كان زمانى بدل ما أنا (( بدون )) أو على مواقع أخبارية , قاعد بدور على أخر ألبوم ل ‎‫#عمرو_دياب‬‏

‎‫

#لو_محصلتش_ثورة‬‏ كان زمانى بتخانق أنا وصحابى على (( الأهلى , الزمالك )) ولو كان المنتخب أنهزم كنت أنام محروق دمى .

‎‫

#لو_محصلش_ثورة‬‏ مكنتش هكون عارف يعنى أيه حب الوطن , وأيه معنى الحرية !

‎

‫#لو_محصلش_ثورة‬‏ مكنتش هقرأ فى ‎‫#الأسلام_السياسى‬‏ ولا ‎‫#الليبرالية‬‏ ولا ‎‫#الأشتراكية‬‏ ولا كنت هعرف أسامى الأدوية دية ‎:)‏

‎‫

#لو_محصلتش_ثورة‬‏ مكنتش هعرف أخواتى الحلوين أصدقاء الحرية فى ‎‫#تويتر‬‏ و ‎‫#فيس_بوك‬‏

‎‫

#لو_محصلش_ثورة‬‏ مكنش سقط القناع من على بعض الأشخاص والمؤساسات وهذا اهم ما فيها .

‎‫

#لو_محصلش_ثورة‬‏ كان أخرى أتفرج كل يوم خميس على ‫#وائل_الأبراشى‬‏ وأنا متعصب للمتش أوالفيلم يفوتنى الأن ‎‫#يسرى_فودة‬‏ وغيره بس بأردتى .

‎‫

#لو_محصلش_ثورة‬‏ مكنتش هدون لأنى مكنش هكون يهمنى أعبر عن رأى .

‎‫

#لو_محصلتش_ثورة‬‏ كنت هكون زى الحيوان أكل وأشرب وأستحمى وأنام وكان هيزيد بس أنى بجيب لبس وبذاكر .

‎‫#لو_محصلتش_ثورة‬‏ كان جه جيمى وبقت خرابا أكتر ما هى ما كانت .

‎‫

#لو_محصلش_ثورة‬‏ كان زمان يوسف بطرس غالى وغيره رموز وطنية شريفة .

‎‫

#لو_محصلش_ثورة‬‏ كان عبدالرحمن يوسف والأسوانى ووائل غنيم فى سجون الأحتلال الداخلى ‎‫#النظام_البائد‬‏ .

‎‫

#لو_محصلش_ثورة‬‏ كنت فاكر أن المتظاهرين والمعتصمين ناس رايقة ومش هتغير .!!

‎‫

#لو_محصلش_ثورة‬‏ كنت زمانى بتفرج على التلفزيون المصرى ويوم 6أكتوبر كنت شفت على التلفزيون المصرى المخلوع القائد الوحيد للقوات المسلحة فى الحرب

‎‫

#لو_محصلش_ثورة‬‏ كان تامر من غمرة مكلش عيش من المداخلات التلفزيونية .

‎‫

#لو_محصلش_ثورة‬‏ مكنش هيكون عندنا طرف ثالث ولا لهو خفى ولا ملثم ولا مواطنين شرفاء ‎:)‏

‎‫

#لو_محصلش_ثورة‬‏ كنت لسه هكون فاكر أن الأخوان شعارهم " الأسلام هو الحل "

‎‫

#لو_محصلش_ثورة‬‏ مكنتش حصلى الشرف أنى أعرف مين هما ولاد أبوإيماعيل إلى يقصدهم بوحا ‎:)‏

‎‫

#لو_محصلش_ثورة‬‏ كنت زمانى فاكر أن عمرو مصطفى وطنى , عشان الكام أغنية الى عملهم . نقطة

‎‫

#لو_محصلش_ثورة‬‏ كمنش هيكون فى مسيرات , ولا مصطفى محمود , ولا القائد إبراهيم , ولا حتى العباسية .

‎‫#لو_محصلش_ثورة‬‏ كان كل أمال المصرى أنه يروح لولاده بالبطيخة , أما الأن فكل الأمال بوطن قوى وعفى , رغم فقر أغلبيته .

أرجو أن تكون عجبتكم زى ما عجبتنى , لأن لو_محصلش_ثورة مكنش زمانى كتبت هذا الكلام على تويتر ولا نقلته على المدونة 

والثورة _  إن شاء الله _ ستنتصر. 

باسل عمر 

21/4/2012